COLEXIOS INNOVADORES

Bos días lectores!!!

Fai uns días lin unha noticia que considero de interese para os temas que estamos a tratar e gustaríame compartila con vos. É unha noticia do ABC que fala sobre unha investigación levada a cabo polo investigador español Alfredo Hernando que recolle as metodoloxías máis novedosas empregadas nos colexios de todo o mundo. Nela recóllense os 50 colexios máis innovadores, dos cales, catro son españois.

A pesar de que nun primeiro momento parece unha cifra baixa, temos que ter en conta que son millóns de colexios os que existen en todo o mundo e ter catro españois entre os 50 máis innovadores, é dicir, entre aqueles que están loitando por unha educación mellor e de calidade, é todo un logro.

Entre estes colexios quero resaltar un en especial, o colexio Montserrat de Barcelona, xa que é un colexio completamente innovador que se basea nas intelixencias múltiples e ofrece distintas oportunidades para fomentar cada unha delas mediante unha metodoloxía basada en proxectos para a comprensión de todas as materias. Entre os infinitos métodos e recursos que empregan, gustaríame destacar un en concreto: a robótica por etapas.

Trátase de diferentes robots que se integran nas clases para favorecer as competencias básicas dos alumnos dun xeito moito máis moderno, dinámico e atractivo para eles.

Aquí vos deixo un vídeo para que o poidades comprender mellor.

Se vos pareceu interesante e queredes saber un pouco máis sobre o colexio, deixovos tamén o link da súa páxina: http://www.cmontserrat.org/el-colegio/

#educacionprimaria #Sonia #educadorasTIC #intelixencia #noticias