UN POUCO MÁIS SOBRE AS INTELIXENCIAS
Moi bos días de domingo blogueiras e blogueiros!
Esta semana tráiovos unha nova noticia de prensa que trata sobre a creación dunha nova app que recoñece en que intelixencia destaca ou vai destacar máis cada rapaza ou rapaz. Esta aplicación foi creada por varios centros tecnolóxicos do País Vasco e xa se puxo en marcha nun colexio de Vitoria.
A aplicación consiste nunha serie de preguntas que se lle realizan á rapaza ou o rapaz e segundo as resposta que esta ou este proporcione, destacará máis nas matemáticas que nos deportes, por exemplo. A finalidade desta app é poder proporcionarlle ao alumnado unha maior educación individualizada, potenciando os puntos fortes das nenas e nenos, e poder prestar maior atención naquelas áreas que se necesite.
Aquí tedes o enlace á noticia, espero que vos resulte igual de interesante que me resultou a min.
Temos unhas breves vacacións estes días para pensar máis ideas e ir dándolle forma ao noso e-book. Pese a estas vacación, as miñas compañeiras e mais eu imos seguir informando dos nosos avances ou das nosas dificultades co proxecto.
Un saúdo compañeiras e compañeiros!