PROXECTO REMATADO!

Bos días blogueiros e blogueiras!

Como puidéchedes ler no título esta semana rematamos o noso proxecto. Estamos moi contentas co resultado do e-book posto que a pesar dos moitísimos problemas que tivemos puidemos sacalo adiante con éxito.

Mañá presentaremos o e-book ao resto de compañeiros e compañeiras da clase e os nervios están a flor de pel! É unha pena que non poidamos ensinarvos como quedou o noso proxecto porque entre eses problemillas mencionados está que non fomos capaces de poñelo en formato web. Esperamos que aos nosos compañeiros e compañeiras lles guste o que fixemos e o noso traballo poida verse recompensado.

Este traballo resultou moi enriquecedor posto que a única ferramenta que empregáramos anteriormente foran os blogs. Descoñecíamos por completo softwares para a creación de libros dixitais e xa que están moi de moda, iso tamén incitounos a realizar este proxecto. Ao mesmo tempo esta asignatura resultou tamén enriquecedora como futuras mestras que seremos para aprender a utilizar novos recursos que descoñecíamos e que ao mesmo tempo son interesantes tanto para nós como para os alumnos e alumnas.

E nada máis, esperamos que mañá saia todo ben. Deseádenos sorte!

#Proxectofinal #educadorasTIC #proxecto #información